(ข) ยสฺส วา ปน อวิชฺชานุสโย อนุเสติ ตสฺส กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ ภวราคานุสโย จ อนุเสนฺตีติ?

อนาคามิสฺส อวิชฺชานุสโย จ มานานุสโย จ ภวราคานุสโย จ อนุเสนฺติ, โน จ ตสฺส กามราคานุสโย จ ปฏิฆานุสโย จ ทิฏฺฐานุสโย จ วิจิกิจฺฉานุสโย จ อนุเสนฺติฯ ทฺวินฺนํ ปุคฺคลานํ อวิชฺชานุสโย จ กามราคานุสโย จ ปฏิฆานุสโย จ มานานุสโย จ ภวราคานุสโย จ อนุเสนฺติ, โน จ เตสํ ทิฏฺฐานุสโย จ วิจิกิจฺฉานุสโย จ อนุเสนฺติฯ ปุถุชฺชนสฺส อวิชฺชานุสโย จ อนุเสติ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ ภวราคานุสโย จ อนุเสนฺติฯ (ฉกฺกมูลกํ)

(ข) อนุโลมโอกาโส

[14] (ก) ยตฺถ กามราคานุสโย อนุเสติ ตตฺถ ปฏิฆานุสโย อนุเสตีติ? โนฯ

(ข) ยตฺถ วา ปน ปฏิฆานุสโย อนุเสติ ตตฺถ กามราคานุสโย อนุเสตีติ? โนฯ

(ก) ยตฺถ กามราคานุสโย อนุเสติ ตตฺถ มานานุสโย อนุเสตีติ? อามนฺตาฯ

(ข) ยตฺถ วา ปน มานานุสโย อนุเสติ ตตฺถ กามราคานุสโย อนุเสตีติ?

รูปธาตุยา อรูปธาตุยา เอตฺถ มานานุสโย อนุเสติ, โน จ ตตฺถ กามราคานุสโย อนุเสติฯ กามธาตุยา ทฺวีสุ เวทนาสุ เอตฺถ มานานุสโย จ อนุเสติ กามราคานุสโย จ อนุเสติฯ

ยตฺถ กามราคานุสโย อนุเสติ ตตฺถ ทิฏฺฐานุสโย…เป.… วิจิกิจฺฉานุสโย อนุเสตีติ? อามนฺตาฯ

ยตฺถ วา ปน วิจิกิจฺฉานุสโย อนุเสติ ตตฺถ กามราคานุสโย อนุเสตีติ?

ทุกฺขาย เวทนาย รูปธาตุยา อรูปธาตุยา เอตฺถ วิจิกิจฺฉานุสโย อนุเสติ, โน จ ตตฺถ กามราคานุสโย อนุเสติฯ กามธาตุยา ทฺวีสุ เวทนาสุ เอตฺถ วิจิกิจฺฉานุสโย จ อนุเสติ กามราคานุสโย จ อนุเสติฯ

(ก) ยตฺถ กามราคานุสโย อนุเสติ ตตฺถ ภวราคานุสโย อนุเสตีติ? โนฯ

(ข) ยตฺถ วา ปน ภวราคานุสโย อนุเสติ ตตฺถ กามราคานุสโย อนุเสตีติ? โนฯ